Anëtari i Kryesisë së PD-së Grigels Muçollari së bashku me drejtuesin politik për Tiranën, Belind Këlliçin kanë zhvilluar takime të rëndësishme me strukturat dhe demokratët e degës 7 në Tiranë.
Gjatë takimit është diskutuar mbi aksionin për protestën e 23 dhjetorit.
Muçollari thekson se demokratët janë kudo dhe po përcjellin mesazhin e fuqishëm.
Ndërsa shton se janë mobilizuar fuqishëm për betejën e 23 dhjetorit.
“Me Belindin dhe Klevisin, në takim me strukturat dhe demokratët e degës 7 në Tiranë, në një mobilizim të fuqishëm për aksionet e afërta siç është marshimi i ditës së hënë me 23 Dhjetor, dhe për betejën e përditshme për zgjedhjet që po vijnë.
Demokratët janë prezent kudo, takohen me qytetarët dhe përhapin mesazhin e ndryshimit që po vjen.
Zgjedhjet e lira e të ndershme do të sjellin zgjidhjen që meritojnë të gjithë, të rinjtë e të rejat, familjarët, pensionistët, profesionistët, njerëzit në nevojë.
Dhe ne do të qendrojmë me gjithë forcën tonë, për zgjedhje të lira e të ndershme”, shkruan Muçollari./ S,M
