Banorët e BBVA4 u ftuan të shkruanin letra dashurie për personin e zemrës, apo një ish-partner, të cilin/ën e konsideronin si ‘dashurinë e jetës’.
Edhe pse lidhja me Olsi Bylykun dihet nga të gjithë, Egli zgjodhi t’i dedikonte një letër emocionuese Gjestit, ku shprehu ndjenjat dhe vështirësitë që ka përjetuar brenda shtëpisë. Gjatë leximit të letrës, Gjesti mbeti i habitur nga fjalët e saj, ndërsa Egli u përlot.
Por gjatë “Prime” të mbrëmshëm, e pyetur jo rastësisht nga Ledioni se kush është dashuria më e madhe që ka jetuar, Egli u përgjigj kështu: Nuk e di a ka njësi matëse, që një ndjenjë të jetë më e madhe se një tjetër.
Kam theksuar në vargjet e para që t’i ke një vajzë që e njeh dashurinë, e njeh emocionin dhe sakrificën. Nuk është se unë njoha Gjestin dhe po i përjetoj për hërë të parë këto emocione. Kjo është një gjë e re për mua. Nuk bazohem në të shkuarën për të krahasuar.
Më tej, Egli tregoi se letrën nuk ia dedikoi ish-partnerit për shkak se nuk do të lëndojë apo të krijojë keqkuptime për të dashurën aktuale të Olsit.
“Për disa arsye të tjera të aktualitetit të asaj ish-marrëdhënieje, që nuk dua të lë vend për keqkuptime te dikush tjetër, apo të bëj dikë tjetër të mërzitet,” tha Egli në Prime./ S,M
