Të huajt dominojnë blerësit vendas në tregun imobiliar.
Gjatë fillimvitit të 2024-ës çmimet e apartamenteve në Vlorë u rritën ndjeshëm, për shkak të kërkesës që tejkaloi ofertën, siç thotë Ndriçim Meminaj, një agjent imobiliar prej vitesh në qytet.
Kjo periudhë, sipas tij, solli një moment kur kërkesa për pasuri të patundshme u rrit në mënyrë të papritur.
Në këtë fillimviti 2025 çmimet kanë arritur në një stabilitet duke rritur edhe më shumë interesin e blerësve, në pjesën më të madhe të të cilëve dominojnë të huajt.
Por cilat janë zonat më të preferuara në qytetin bregdetar?
Agjentët imobiliarë shprehen se tashmë vija e parë e Lungomares nuk është më një trend. Tanimë vëmendja e blerësve është përqendruar në pika të tjera në zhvillim si: Plazhi i Vjetër, Orikumi, por edhe zonat kodrinore turistike si Kanina dhe fshati Radhimë.// S,M
