Në fjalën e mbajtur në Këshillin Drejtues të PD, kreu i PD tha se në listën e deputetëve të PD për zgjedhjet e 11 majit janë emra të denjë për tre parlamente.
Por ai nuk ka mbetur pa shigjetuar kampin tjetër ku sipas tij, “janë delinkuentë, kriminelë, ministra të veshur me Dolce- Gabbana apo firma shumë më të shtrenjta, por që paratë i kanë nga kriminelët”.
“Ky është vetëm një aspekt i tyre. Kështu që kudo që shkojnë Uluzitë, Lubitë, shkojnë me një barrë të rëndë dosjesh krimi në shpinën e tyre.
Kurse përfaqësuesit tuaj janë përfaqësues që vijnë si njerëz të lirë para jush. Shkojnë si njerëz të lirë para qytetarëve dhe ky është një ndryshim madhor, ndryshim si nata me ditën.
Larg të qenurit të përsosur, por dallimi është i jashtëzakonshëm mes përfaqësuesve të tyre”, tha Berisha./e.t
