Kryetari i PD, Sali Berisha duke prezantuar detajet e programit të demokratëve në zgjedhjet e 11 majit, prezantoi heqjen e taksave për karburantet.
Një premtim tjetër i liderit të opozitës ishte ai për çmimin e energjisë elektrike për biznesin. Berisha tha se çmimi do të zbresë nga 18-24 lekë/kW që është aktualisht, në 6 lekë.
Sali Berisha: E kam theksuar edhe herën tjetër, energjia elektrike për biznesin nga 18-24 kW/orë që është sot, do shitet në 6 lekë. Zbret pra 3-4 herë. Taksa e shitjes së pronës ulet nga 15 përqind në 2 përqind. Taksa Rama e karburantit hiqet dhe në të gjitha pikat e shitjes së karburantit nuk mund të shitet karburant me ndryshim çmim plus/minus 10 përqind me pompat e vendeve fqinje. Bimët medicinave marrin një mbështetje preferenciale të fuqishme krahas ullirit dhe arrorëve dhe bimëve aromatike. Ato janë dhe duhet të jenë një burim i fuqishëm i të ardhurave të zonave ku ato rriten dhe nuk ka një vend tjetër të ketë biodiversitetin e Shqipërisë. Do ofrohen lehtësira logjistike dhe të llojeve të tjera. Linja kredi dhe nxitje e fuqishme e barabartë me ullirin dhe arrorët, të cilët ngelen përparësi të pandryshueshme dhe të suksesit tonë./e.t
