Një video mes Gjestit dhe Eglit po bën xhiron e rrjetit, ku kjo e fundit i kërkon ‘llogari’ banorit se pse ai nuk e puth kurrë në kamera.
Teksa qëndronin të dy në sauna brenda shtëpisë së “Big Brother VIP”, Egli e ka pyetur Gjestin pse nuk e ka puthur kurrë para kamerave, ndërsa me Xhenetën e ka bërë një gjë të tillë.
“Pse me Xhenetën para kamerave dhe me mua jo?”, u dëgjua të thoshte Egli.
Ndëkohë, fansat kanë vërshuar me komente në rrjetet sociale. Të shumtë janë ata që komentojnë se Gjesti po luan një lojë me ndjenjat e Eglit. E megjithatë, kjo video nuk ka kaluar pa u vënë re edhe nga Xheneta Fetahu, e cila në fakt është përmendur në video nga Egli.
Ajo ka postuar videon në Instagramin e saj, teksa e shoqëroi me një koment pikant, dukshëm thumbues për Eglin. “Suksesi i jetës, me lut një mashkull me të puth”, duke nënkuptuar se Egli po përpiqet të marrë vëmendjen dhe afeksionin e dikujt që nuk është i interesuar për të.
