Kim Kardashian, në një gjykatë në Paris, ka rrëfyer momentet tronditëse të grabitjes së armatosur në vitin 2016, gjatë së cilës ajo mendonte se do të vritej. “Absolutisht mendova se do të vdisja”, tha ajo mes lotësh, duke kujtuar frikën, pasigurinë dhe mendimet për motrën e saj që mund ta gjente të pajetë.
Ylli i “Reality Show” tregoi se ishte lidhur me zinxhirë dhe ngjitës, teksa grabitësit i morën bizhuteri me vlerë miliona dollarë, përfshirë një unazë fejese prej 4 milionë dollarësh nga Kanye West.
Në sallën e gjyqit u lexua edhe një letër faljeje nga i akuzuari Aomar Ait Khedache, i njohur si “Omari i Vjetër”, të cilin Kardashian e fali publikisht. “Të fal, por kjo nuk e zhbën traumën që mbaj me vete çdo ditë”, tha ajo.
Ajo theksoi se prej ngjarjes nuk ndjehet më e sigurt, duke u detyruar të ketë deri në gjashtë truproja në shtëpi.
Në këtë proces po gjykohen gjithsej dhjetë persona, pesë prej të cilëve përballen me akuza për grabitje të armatosur dhe rrëmbim, ndërsa pjesa tjetër për bashkëpunim apo armëmbajtje pa leje./E.Ç
