Një aksident ajror ka ndodhur këtë të enjte në një zonë të banuar në San Diego në SHBA.
Një aeroplan i vogël pasagjerësh është rrëzuar në një zonë banimi.
Si pasojë e rrëzimit të avionit rreth 15 banesa dhe automjete janë përfshirë nga flakët e zjarrit.
Nuk dihen ende rrethanat e aksidentit ajror dhe numri i saktë i pasagjerëve që po udhëtonin me avion.
Gjithashtu nuk ka ende informacion nëse nga aksidenti ka të plagosur apo të vrarë.
Aksidenti ndodhi rreth orës 3:45 të mëngjesit pranë Aeroportit Ekzekutiv Montgomery-Gibbs , sipas Administratës Federale të Aviacionit (FAA) . Avioni, tip Cessna 550 , është projektuar për të transportuar gjashtë deri në tetë pasagjerë, megjithatë numri i pasagjerëve në bord mbetet i panjohur. FAA konfirmoi se Bordi Kombëtar i Sigurisë së Transportit (NTSB) do të udhëheqë hetimin për shkaqet e përplasjes, me provat fillestare që tregojnë se dukshmëria e ulët për shkak të mjegullës mund të ketë luajtur një rol kritik në aksidentin ajror. Zjarrfikësit mbeten në vendngjarje, duke vazhduar përpjekjet e tyre për të shuar zjarret dhe për të kontrolluar zonën, ndërsa policia ka bllokuar hyrjen në të gjithë zonën./e.t
