Një tjetër mjek ka humbur jetën këtë të shtunë, ai është kirurgu Dr. Dyl Myzyri. Lajmin e ka bërë të ditur kolegu i tij Mjeku Petrit Vargu.
Me anë të një postimi në rrjetin social Vargu shkruan se ishte një humbje e madhe. Vargu thotë se mjekësia shqiptare të cilës ai i kushtoi jetën, nuk iu gjend pranë as me një ambulancë.
Postimi i plotë
“Te qofte dheu i lehte Dr.Dyl Myzyri! Mjekësisë shqiptare qe i kushtove jetën ,nuk t’u gjend pranë as me një ambulance, ne te vetmin moment qe pate nevoje. I kemi dëgjuar shpeshherë te deklarojnë se për 15 minuta janë ne çdo skaj te Shqipërisë. Por çuditërisht ,dje ne këtë ore,ne Spille,në zemër te Shqipërisë,nuk u duken kurrë. Ne i njohim mire,prandaj i demaskojmë. Ti shkëlqen me mungesën tende dhe nuk do te harrohesh kurrë nga miqtë ,duke i lenë errësirën dhe turpin sistemit shëndetësor Shqiptar”
Bo.Ba/fjala.al