E shkuara e shkrimtarëve Ernest Koliqi e Martin Camaj, nëse kanë qenë bashkëpunëtore të agjenturave të huaja, pas publikimit të dokumenteve të Ish-Sigurimit të Shtetit dhe CIA-s amerikane, ka hapur shumë debate në publik.
Ditën e djeshme Kryetarja e Autoritetit për Informacion për Dosjet e ish-Sigurimit të Shtetit, Gentiana Sula ka firmosur një urdhër hetimi pas denoncimit publik nga studiuesi Ardian Ndreca për daljen e dosjes së Martin Camajt në mënyrë të paligjshme.
Ndërkohë sot, Sula përmes një statusi në Facebook deklaron se dosje për qëllime kërkimore apo të edukimit qytetar janë të garantuar.
Ndërkohë Sula sqaron se studiuesit Tare apo dhe studiuesve të tjerë që paraqiten kërkesë ne AiDSSh për dosjen Camaj, janë shërbyer shumë shpejt, meqë dosja ishte përgatitur me herët për studiuesin Demiraj te Universitetit Ludëig Maximilian.
Autoriteti mund të vendose trajtim prioritiar te kërkesave nëse evidentohet interes publik. Prandaj kërkesat studimore të kësaj jave për albanalogun Camaj janë trajtuar me përparësi për shkak të debatit publik për këtë figurë historike.
Postimi i plotë i Gentiana Sulës
Dëshiroj të sqaroj shkurt që qasja në dosje për qëllime kërkimore apo të edukimit qytetar është e garantuar, por behet konform ligjit 45/2015, dhe vendimet ( te pakten 3 ) i publikojmë online dhe letër.
Herën e parë që kërkohet një dosje, procesi është shumë i gjatë sepse përfshin kërkim në arkiva, deklasifikim, dixhitalizim, anonimizime, te cilat janë subjekt i vendimeve kolegjiale.
Herën e dytë e tutje, bëhet fare shpejt sepse nevojitet vetëm legjitimim i kërkesës dhe firmosje e deklaratës se konfidencialitetit. Prandaj studiuesit Tare apo dhe studiuesve të tjerë që paraqiten kërkesë ne AiDSSh për dosjen Camaj, janë shërbyer shumë shpejt, meqë dosja ishte përgatitur me herët për studiuesin Demiraj te Universitetit Ludëig Maximilian.
Autoriteti mund të vendose trajtim prioritiar te kërkesave nëse evidentohet interes publik. Prandaj kërkesat studimore të kësaj jave për albanalogun Camaj janë trajtuar me përparësi për shkak të debatit publik për këtë figurë historike.
Publikimi i materialeve është hallka tjetër që bëhet me kërkesë të posaçme, pasi merret mundësisht opinioni dhe burime te tjera përmes familjes se personit historik.
la.mi/Fjala.al
