Presidentja e Komisionit Evropian, Ursula von der Leyen ka përshëndetur dialogun Kosovë-Serbi. Përmes një postimi në rrjetet sociale, Leyen shkruan se e mirëpret vazhdimin e dialogut dhe se do të mbështesë këtë proces në hapat e ardhshëm.
“Mirëpres vazhdimin e dialogut midis Beogradit dhe Prishtinës. Do të jap mbështetjen time të plotë për hapat e ardhshëm në proces”, shkroi Von der Layen.
Von der Layen përsëriti mesazhin e Josep Borrell, i cili si ndërmjetës kryesor në dialogun për normalizimin e marrëdhënieve Kosovë-Serbi, theksoi se BE “ishte dhe do të jetë e gatshme të mbështesë dhe të lehtësojë përpjekjet për të gjetur një marrëveshje përfundimtare dhe juridikisht detyruese”.
Ndërkohë takimi i delegacionit të Kosovës dhe Serbisë do të mbahet të enjten, më 16 korrik në Bruksel./Re.Gu/fjala.al
