Lidhur me procesin që po ndjek Partisë Demokratike për përzgjedhjen e kandidatëve për deputet, anëtarja e kësaj force politike Grida Duma deklaron se shumë emra po kalojnë në filtra për të parë nëse janë të inkriminuar.
Ish-deputetja demokrate tha se 20% e kandidatëve të PD-së në zgjedhjet e ardhshme do të jenë emra të rinj, kurse 80% është pjesa që janë pjesë e partisë.
“Ky është maksimizim, jo hapje, kush ka qenë demokrat është demokrat. Sikur një miligram të jetë me ikjen e Edi Ramës jemi në një front. Po tentojmë t’i afrohemi procedurës të asaj që është lista e hapur. Lista do kalojë në një filtër për të parë nëse kanë të shkuar kriminale apo janë marrë me korrupsion, më pas do të kalohet në një filtër të dytë. Kjo do të vazhdojë deri më 25 korrik dhe më pas do të mbyllet. 20% e kandidatëve të listave do të përfaqësojnë hapjen e partisë“, tha Duma në “5 pyetje nga Babaramo”./En.Br./Fjala.al
