Eksperti i Shëndetit Publik, Erion Dasho, ka reaguar sërish në “Facebook” lidhur me situatën e pandemisë në vendin tonë.
Dasho shprehet se situata nga COVID-19 në vendin tonë është përkeqësuar dhe mungesa e testimeve bën që numri i të infektuarve mos të paraqesë pasqyrën reale të pandemisë.
I vetmi orientim deri diku i saktë, sipas tij vjen me numrin e vdekjeve në vend.
Me një mesatare prej 3 vdekje në ditë, duke ditur shkallën e vdekshmërisë prej 0.5%, përllogaritet se në popullatë mund të ketë rreth 600 raste të reja në ditë, çka përkthehet në rreth 30-40 shtrime në spital, prej të cilëve 5-10 raste mund të kenë nevojë për kujdes intensiv.
“Ç’duhet bërë në këto rrethana?
Së pari, duhen marrë urgjentisht masa duke aktivizuar trinomin Testo-Gjurmo-Trajto:
– Të testohet më shumë
– Të gjurmohen kontaktet me metoda inteligjente
– Të forcohen kapacitetet trajtuese në çdo nivel të sistemit shëndetësor”, këshillon Dasho.
Postimi nga Erion Dasho
COVID-19: KOHA PËR VEPRIM PROFESIONAL DHE TË PËRGJEGJSHËM!
Fatkeqësisht, numri i rasteve me COVID në Shqipëri sa vjen e rritet. Në mungesë të testimeve, numri i rasteve të raportuara nuk e pasqyron gjendjen reale të epidemisë dhe i vetmi orientim deri diku i saktë vjen nga numri i personave që humbin jetën. Nisur nga ky numër, mund të bëhen disa ekstrapolime të përafërta si vijon.
LEXO EDHE Rëndohet situata në Infektiv, dy pacientë humbasin jetën/ Ja sa ndodhen në gjendje të rëndë
Me një mesatare prej 3 vdekje në ditë, duke ditur shkallën e vdekshmërisë prej 0.5%, përllogaritet se në popullatë mund të ketë rreth 600 raste të reja në ditë, çka përkthehet në rreth 30-40 shtrime në spital, prej të cilëve 5-10 raste mund të kenë nevojë për kujdes intensiv. Shifra këto që, në se materializohen, ndodhen në limitet që mund të përballojë sistemi shëndetësor shqiptar.
Ç’duhet bërë në këto rrethana?
Së pari, duhen marrë urgjentisht masa duke aktivizuar trinomin Testo-Gjurmo-Trajto:
– Të testohet më shumë
– Të gjurmohen kontaktet me metoda inteligjente
– Të forcohen kapacitetet trajtuese në çdo nivel të sistemit shëndetësor
Së dyti, duhen korrigjuar gabimet e bëra deri tani që kanë mundësuar transmetimin e COVID në spitale, administratë, mjedise shërbimi, biznese dhe transport.
Së fundi, duhet rindërtuar marrëdhënia e besimit me publikun e cila u dëmtua rëndë gjatë tre muajve të karantinës. Pa një publik bashkëpunues nuk mund të kapërcehet situata.
SITUATA LIDHUR ME COVID NUK ËSHTË OPTIMISTE, POR ME MASA TË SHPEJTA DHE TË FOKUSUARA MUND TË KORRIGJOHET. /Ra.My. Fjala.al/
