Një përleshje me armë zjarri ka ndodhur mesditën kësaj të shtune në fshatin Repë të Podujevës, Kosovë.
Si pasojë e sherrit është vrarë një person, ndërsa një tjetër është plagosur. Lajmi është konfirmuar dhe nga autoritet policore për mediat vendase.
“Më 18.07.2020 në orën 13:04, policia është njoftuar për të shtëna me armë zjarri në fshatin Repë të Podujevës. Menjëherë për në vend-ngjarje janë nisur njësitë policore. Është njoftuar edhe ekipi mjekësor emergjent. Nga përdorimi i armëve të zjarrit një person ka humbur jetën, kjo është konstatuar nga ekipi mjekësor, një person tjetër është i plagosur. Policia edhe në këto momente është duke e trajtuar rastin, nëse do të ketë informata të reja ua përcjellim me kohë”, ka thënë policia e Kosovës.
/En.Br./Fjala.al
