Pjesë e tryezës së Këshillit Politik të reformës zgjedhore, ditën e hënë në orën 11:00, do të jetë dhe kreu i grupit parlamentar demokrat Myslim Murrizi.
Lajmin e ka bërë të ditur deputeti i opozitës, Edmond Stojku përmes një postimi në rrjetet sociale.
Kujtojmë se mbledhja e të hënë në Këshillin Politik do të jetë ndryshe nga herët e tjera, pasi përveç katër përfaqësuesve të përhershëm, do të jenë dhe kreu i PS-së Edi Rama nga mazhoranca, sekretari i Përgjithshëm i PD-së Gazment Bardhi nga opozita jashtë parlamentare dhe së fundmi i bashkohet dhe Myslim Murrizi nga opozita parlamentare.
Kjo mbledhje vjen pas kërkesave të mazhorancës dhe opozitës parlamentare për ndryshimin e sistemit zgjedhor dhe heqjen e koalicioneve parazgjedhore.
Postimi i plotë i Edmond Stojkut:
Te nderuar miq!
Ju njoftoj se pas dakortesise se paleve te keshillit politik, si dhe miqve tane te nderuar nderkombetare, per proçesin e ndryshimeve kushtetuese, opozita parlamentare vendosi perfaqesimin e saj!
Ne emer te 28 deputeteve firmetare te tre grupeve parlamentare dhe te deputeteve te pavarur, me te te cilet kemi kerkuar ndryshimet kushtetuese per:
1-Sistemin zgjedhor
2-Listat e hapura,
3-Zbatimin e rekomandimeve te Osbe Odihrit per depolitizimim e komisionereve, pra per administrate zgjedhore publike.
Jemi dakortesuar qe Perfaqesuesit tane ne keshillin politik do te jene Z.Myslim Murrizi dhe si Kryetare e Komisionit te Integrimit Znj. Rudina Hajdari!
/En.Br./Fjala.al
