Është zbuluar resorti luksoz ku do të zhvillohet ceremonia e martesës së djalit të David Beckham, Brooklyn Beckham me të dashurën e tij miliardere.
Sipas raportimeve të “The Sun” kjo ceremoni do të kushtojë rreth 3 milionë paund.
Brooklyn dhe e dashura e tij Nicola Peltz u fejuan vetëm pak javë më parë dhe vitin e ardhshëm do të kurorëzojnë dashurinë e tyre.
21-vjeçari do që të martohet me aktoren 25-vjeçare në një vendpushim mahnitës në Itali.
“Borgo Egnazia” është resorti i përzgjedhur prej tyre dhe vendi ku u martuan edhe Justin Timberlake me Jessica Biel në vitin 2012.
Brooklyn bëri publik fejesën me trashëgimtaren miliardere fundjavën e kaluar, ndërsa theksoi se kishte gjetur shpirtin e tij binjak, edhe pse kishin vetëm 9 muaj të lidhur.
Ndërsa babai i Nicola Peltz, menaxheri i fondeve të investimeve dhe nëna e saj Claudia Hefner, raportohet se janë ofruar për të paguar dasmën.
Ata kanë një pasuri që shkon në vlerën e 1.3 miliardë dollarëve.ka.ta/Fjala.al/
