Agjensia Qendrore e Lajmeve koreane ka njoftuar sot se Koreja nuk do të rifillojë bisedimet bërthamore nëse Shtetet e Bashkuara nuk pranojnë kushtet dhe kërkesat e saj.
Zëvendës ministri i Jashtëm i Koresë së Veriut Kim Kye Gwan është shprehur se Pheniani ka humbur shumë kohë me SHBA. Sipas tij marrëdhënia e Kim Jong Un-it me Presidentin amerikan Donald Trump mbetet pozitive, duke përmendur urimin që mori së fundmi udhëheqësi i Phenianit nga zoti Trump me rastin e ditëlindjes.
Por ai shtoi se Koreja e Veriut nuk do të marrë vendime bazuar në marrëdhëniet personale.
Dialogu për bisedimet bërthamore do të ndodhin kur SHBA-ja të pranojë kushtet dhe kërkesat e Phenianit, por diplomati nuk foli konkretisht se çfarë kërkon Pheniani.
Bisedimet SHBA-Kore e Veriut janë ndërprerë që nga muaji shkurti, pas takimit të dështuar mes udhëheqësve të të dy vendeve në Hanoi./Fjala.al