Ndeshja shumë e komentuar në media për trukim të rezultatit në interes të basteve midis Bylisit dhe Tiranës vijon të mbetet pezull.
Komisioni i Etikës nuk ka dhënë ende asnjë vendim për këtë takim, që u luajt në kuadër të gjysmëfinales të Kupës së Shqipërisë, në “Adush Muça” të Ballshit.
Kjo ndeshje vazhdon të jetë nën lupën e hetuesve dhe specialistëve, ndërsa ditën e djeshme anëtarët e Komisionit të Etikës nuk u paraqitën në zyrat e Federatës Shqiptare të Futbollit, përveç Fatmir Brakës dhe Bashkim Kokës.
Aktualisht nuk është vendosur ende një datë e dytë se kur mund të mblidhet sërish, ndërsa dëshmia me shkrim e presidentit të Tiranës, Refik Halilit, ka mbërritur në këto istanca.
Të gjitha materialet janë siguruar nga dëshmitë e arbitrit Juxhin Xhaja, të delegatit Besnik Çela, të presidentit të Bylisit Besnik Kapllanajt, trajnerit Veljko Dovedan dhe futbollistët Valentino Murataj dhe Jurgen Goxha dhanë deklaratat e tyre.
Ndërsa të martën e kaluar në Komisionin e Etikës u paraqitën trajneri i Tiranës Emanuel Egbo dhe lojtarët Erando Karabeci dhe Ilion Lika.
Po ashtu të pranishëm ishin edhe Refik Halili e drejtori i përgjithshëm Arbi Laçi.ka.ta/Fjala.al/
