Fill pas marrëveshjes së 5 qershorit, në debatet politike zuri vend tema e listave të hapura.
Nisma e 28 deputetëve të opozitës parlamentare u mbështet nga kryeministri dhe mazhoranca duke u bërë kështu një draft për ndryshimin e Kushtetutës.
Sipas këtij drafti, duhet që të paktën 75% e listave të jenë të hapura.
Për deputetët e opozitës në Kuvend, të zgjedhurit nuk duhet të propozohen nga koalicionet. Për ta, kjo e drejtë i takon vetëm partive dhe zgjedhësve.
Sipas mazhorancës, koalicionet nuk mund të funksionojnë sipas formulës aktuale pasi krijohen problem me fletën e votimit.
Megjithatë,për ekspertin Kristaq Kume, ka praktika që lejojnë koalicionet parazgjedhore dhe lista të hapura. Sipas tij, fleta e votimit në Kosovë mund të shërbejë si një shembull edhe për Shqipërinë.
Një zgjidhje e mirë për këtë situatë do të ishte: në njërën anë të fletës vendoset në krye emri i koalicionit dhe më poshtë flamujt e partive me numra ose me emra. Ndërkohë, në krahun tjetër të fletës numrat. Një numër simbolizon një kandidat që e cakton partia përkatëse.
Në këtë rast, votuesi do zgjedhë fillimisht partinë brenda koalicionit e më pas kandidatin që dëshiron./Fjala.al/Ke.Ba
