Ismail Brahimaj, i cili është dënuar për vrasjen e avokatit Michalis Zafeiropoulos, ka tentuar të arratiset nga burgu i Korfuzit natën e të enjtes.
Raportohet se ai arriti të thyente çelësin e qelisë së burgut, ku rrinte së bashku me 6 persona të tjerë, dhe doli në një qeli tjetër, ku filloi të shponte një vrimë në mur.
Arratisja e tij nga qelia u zbulua gjatë një kontrolli nga rojet e burgut. Por, sipas burimeve të burgut: “Brahimi nuk e dinte planin e burgjeve. Edhe nëse ai arriti të bënte një vrimë në atë mur, ai do të përfundonte në arkiva. Ai nuk do të arratisej kurrë”.
Brahimaj u dënua nga Gjykata e Athinës vitin e shkuar me burgim të përjetshem për vrasjen e avokatit grek, Mihalis Zafeiropoulos tre vite më parë, së bashku edhe dy të pandehurit e tjerë, Klodian Lekotsai dhe Oldi Dulçe, dënuar dhe këta me burgim të përjetshëm.
Mediat greke bëjnë me dije se shqiptari rezulton me disa emra dhe mbiemra. Mbiemri i tij një herë jepet si Ibrahimi, pastaj Brahimaj, apo Brahimasi. Kurse emri Kastriot, Lavdërim, apo Mikel. Mbrëmjen e 12 tetorit 2017 Brahimaj ekzekutoi avokatin grek, Mihalis Zafiropoulos, në zyrën e këtij të fundit. Ai ishte paguar 3 mijë euro për të kryer këtë vrasje.
/En.Br./Fjala.al
