Kryeministri Edi Rama ka reaguar për situatën e krijuar në Bjellorusi dhe pas deklaratave të politikës shqiptare. Përmes një postimi në rrjetin social ‘Twitter’, Rama shkruan se në Minsk OSBE nuk shkon për selfie në protestë, por për të komunikuar me qeverinë dhe opozitën, gjë që kërkon aprovimin e të dyja palëve.
Më tej Rama shkruan se megjithëse nuk ka bërë publike komunikimet e shpeshta të këtyre ditëve, Shqipëria po bën vërtetë më të mirën bashkë me Suedinë.
Postimi i plotë
Disa shqipe të politikës së madhe që fluturojnë lart, po vrerosen pse nuk kam shkuar në Minsk dhe ia paskam humbur një shans Shqipërisë! Në Minsk OSBE nuk shkon për selfie në protestë, po për të komunikuar me qeverinë dhe opozitën, çka kërkon aprovimin e të dyja palëve.
Unë jam krenar për faktin se megjithë kohën e mallkuar të pandemisë, lidershipi ynë i OSBE ka kryer me sukses punën e premtuar dhe ka fituar respekt e besim ndërkombëtarisht, çka e tregon qartë edhe referimi i BE-së ndaj ofertës së OSBE për Minskun.
Nuk i kemi bërë publike komunikimet e shpeshta të këtyre ditëve me aktorë të niveleve të larta në BE e jo vetëm, sepse kjo është natyra e punës në këtë fazë, por dua t’i siguroj të gjithë të interesuarit për këtë temë se Shqipëria po bën vërtetë më të mirën, bashkë me Suedinë????
