Njeriu më i shpejtë në botë, Usain Bolt është infektuar me koronavirus.
Lajmin e ka bërë me dije vetë atleti me anë të një postimi në rrjetet sociale, ku shprehet se është karantinuar dhe se gjendja e tij shëndetësore është e qëndrueshme.
Bëhet me dije se atleti pak ditë më parë ka festuar 34-vjetorin, me miqtë ku dyshohet se është infektuar.
“Mirëmëngjesi të gjithëve. Sapo u zgjova dhe po kontrolloja mediat sociale dhe dua t’iu them që jam konfirmuar me Covid19. Bëra një test të shtunën.
Kam pasur edhe disa simptoma dhe kam pritur për të parë se cili do jetë rezultati, për t’u karantinuar më vonë. Jam karantinuar në shtëpi për të qenë më i sigurt dhe për ta marrë më me qetësi. Rrini në shtëpi për të qenë më të sigurt”, tha Usain Bolt
