Zbardhet ngjarja e ndodhur mbrëmjen e djeshme ku mbetën të plagosur dy persona në Shkodër, ndërsa është shpallur në kërkim autori i dyshuar.
Sipas burimeve zyrtare bëhet me dije se shtetasi Enton Dushaj, 35 vjeç, banues në lagjen Skënderbeg të Shkodrës, është autori i dyshuar i cili është shpallur në kërkim.
Ky shtetas gjatë një konflikti të çastit, ka qëlluar me armë zjarri duke i plagosur në këmbë, shtetasit E. Gj., 24 vjeç, banues në fshatin Bradhaj, dhe N. M., 24 vjeç, banues në Shkodër, të cilët pas mjekimit të marrë në Spitalin Rajonal Shkodër janë larguar për në banesë. Materialet iu referuan Prokurorisë së Rrethit Gjyqësor Shkodër për veprat penale “Plagosja e lehtë me dashje” dhe “Armëmbajtja pa leje”.
\Re.Gu/Fjala.al
