La Liga ka dhënë një përgjigje zyrtare lidhur me çështjen “Mesi”, pas interpretimeve të ndryshme (disa prej tyre kontradiktore me njëra-tjetrën) të botuara kohet e fundit në media, lidhur me situatën kontraktuale të argjentinasit te F.C. Barcelona.
Nëpërmjet një komunikate zyrtare, organi më i lartë i futbollit në Spanjë, ka sqaruar se çdo klub që do të tentojë të marrë yllin argjentinas duhet të paguajë klauzolën dhe se “pleshti” nuk mund të largohet dot pa e paguar atë.
Qeveria Spanjolle e Futbollit siguron që ata kanë analizuar kontratën e Argjentinës dhe se nëse dëshiron të largohet nga Barça, ai duhet të paguajë klauzolën e rënë dakord.
Nuk flitet për shifër, por në media është thënë herë pas here që ajo kap shifrën e 700 milion eurove. Një shifër stratosferike kjo, që e bën të pamundur largimin e tij nga katalanasit, deri në përfundim të kontratës.
Kështu, LaLiga shprehet se pasi ka analizuar kontratën, ajo “aktualisht është në fuqi dhe ka një klauzolë të përfundimit të parakohshëm dhe në mënyrë të njëanshme, të kryer në përputhje me nenin 16 të Dekretit Mbretëror 1006/1985, të 26 qershorit, i cili rregullon marrëdhënien e veçantë të punës të sportistëve profesionistë ”.
La Liga bën me dije se nuk do të lëshojë lejekalimin e Mesit në rast se klubi që e blen nuk do ta paguajë klauzolën e largimit.
Ndërkohë, Leo Messi nuk është paraqitur për testet e COVID-19 të organizuar nga Barça mëngjesin e sotëm sipas protokollit të La Liga. Lojtari i ka bërë të ditur klubit se ai nuk do të jetë i pranishëm as në seancat stërvitore të ekipit që fillojnë nesër, e hënë./En.Br./Fjala.al
