Myqerem Tafaj e ka një zgjidhje se si mund të menaxhohet mirë kjo situatë në arsimin shqiptar. Në emisionin HARD TALK NGA ROLAND QAFOKU Tafaj tha se 198 milionë euro ka dhënë BE dhe 5 milionë mund të nevojiten në arsim vetëm për digjitalizimin.
-Mendoj se zgjidhja është shumë e thjeshtë. Ndoshta 5 milionë euro mjaftojnë për investimet në sistem për digjitalizimin. Nëse akordohet një fond i mjaftueshëm dhe nëse thirren ekspertët, sistemi duhet përshtatur. Digjitalizimi duhet bërë pjesë integrale e procesit normal mësimor. Nëse ne nuk e realizojmë këtë, askush nuk e di sa do vazhdojë pandemia, studentët nuk do kenë mundësi të zhvillojnë mësimin, universitete do ta vuajnë. Shko lidh kontratë me Google-n dhe ai ta ofron modulin e përshtatur akademik me skenarët dhe të gjitha mundësitë dhe me të gjitha hapësirat dhe që të duhen ty për të realizuar një proces mësimor normal. Kjo është e domosdoshme në mënyrë që të mos ndërpritet komunikimi me botën./Fjala.al/Ke.Ba
