Dokumentari drejtuar nga Jeff Orloski, paraqet disa ish-punonjës të rrjeteve sociale më të përdorura, që flasin kundër rrjeteve që dikur kanë ndihmuar nën depërtimin e tyre. Mjafton të përmendim që midis tyre, flet dhe shpikësi i butonit like në Facebook.
Kontroll, depresion, rritje numrit të vetëvrasjes tek adoleshentët, emëruesi i përbashkët i të gjitha këtyre fenomeneve është se ato ushqehen pjesërisht nga pjesëmarrja jonë në dukje e padëmshme në rrjetet sociale si: Facebook, Twitter, Instagram, Reddit etj.
Por si mund të sjellin pasoja të tilla shkatërruese veprimet e thjeshta si ndarja e fotove dhe artikujve, leximi i lajmeve dhe lidhja me miqtë?
Çdo gjë regjistrohet, llogaritet dhe bëhet pjesë e një matematike “mizore” për shitjen e audiencës. Ata regjistrojnë çdo klikim të butonit like, koment, fjalë që vendosim në motorët e kërkimit.
Çdo sekondë që shpenzojmë duke parë një foto apo një lajm, kalkulohet në mënyrë të tillë, që në rifreskimin e radhë që do të bëjmë në rrjetin social, përmbajtjet e postimit që na shfaqen, të na japin shtysë të shpenzojmë më shumë kohë online.
E gjithë kjo përkthehet në më shumë audiencë nga e cila gjenerohen miliarda dollarë nga reklamat e mijëra produkteve. Kompanitë që drejtojnë rrjetet sociale më të përdorura në botë, kanë pushtetin të ndryshojnë sjelljen njerëzore, të ndërhyjnë në zgjedhjet elektorale, te shkaktojnë kaos dhe përplasje shoqërore.
Privacia që është pjesa më e brishtë e shoqërisë, sipas këtij dokumentari është thjesht një iluzion, pasi të dhënat tona janë tashmë të shitura tek këto kompani. Kjo seri pasojash, krijon një konfuzion ekzistencial, dyshimin mbi posedimin e vullnetit të lirë.
Reflektimet e tyre janë të ndërthurura me skena nga një familje, dy fëmijët më të vegjël të së cilës po luftojnë me varësinë nga rrjetet sociale dhe efektet anësore të saj. Ka edhe klipe lajmesh nga vitet e fundit, ku reporterët dekretojnë teknologjinë dhe raportojnë për disa nga ndikimet negative në sjelljen njerëzore./Fl.St/Fjala.al
