Kryetari i Komisionit Parlamentar të Ligjeve, Ulsi Manja deklaroi disa ditë më parë në HARD TALK NGA ROLAND QAFOKU se reforma e drejtësisë tashmë ka kundërshtarët e vet të cilët janë grupuar për ta dëmtuar këtë reformë. Por çfarë mendon një nga ekspertët e kësaj reforme, Arben Rakipi? I ftuar në emisionin HARD TALK NGA ROLAND QAFOKU, ai deklaroi se janë tre grupe kundërshtarësh të kësaj reforme.
-Ju thatë që reforma ka kundërshtarë. Kush e kundërshton atë?
-Për mua janë tre grupe kundërshtarësh. Grupi i parë është ai që ka pushtetin, e ndjen jo fort komode që të mos e ketë më. Flas gjithmonë për pushtetin në letër. E dyta janë sistemi brenda vetë. Sistemi brenda vetë ka qenë në masë jo të vogël , ka qenë reagues. Mbase për qeverisjen e gjyqësorit nuk kanë qenë të shprehur, mbase jo kundër, por shumë prej tyre kanë qenë kundër me procesin e vetingut. Grupi i tretë mund të jetë grupi që influencon nga jashtë dhe në një mënyrë ose një tjetër mund të ndikohët nga drejtësia e re. Nuk mund të them biznesmenë se nuk dua të heq shenjën e barazimit ndërmejt biznesmenit dhe atij që ka frikë nga drejtësisa , ishte konceptualisht dhe parimisht e gabuar, por them për të gjithë shkelësit e ligjit të cilët mund të parashikojnë që një sistem drejtësie me tendencë për të shkuar drejt pavarësisë mund të ishte i dëmshëm për interesat e tyre, qofshin këto edhe pasuria. /Fjala.al/Ke.Ba
