Greqia po përballet me një valë të dytë infektimesh me koronavirus. Kozani, qyteti pranë Shqipërisë është zona e parë që futet në nivelin më të lartë të alarmit.
Nënkryetari i Bashkisë së Kozanit, Costas Kyriakidis, foli për një situatë të vështirë në Protothema, duke theksuar se “një muaj më parë nuk kishte asnjë shqetësim.
“Në 15 ditët e fundit kemi parë një problem me rritjen e rasteve”, ka thënë ai. Sipas tij, ky zhvillim është për shkak sepse masat nuk respektohen.
“Së bashku dhe me besim tek ata që marrin vendime, besoj se për 14 ditë gjërat do të jenë më mirë”, shtoi ai.
Banorët janë shokuar nga vendimi i papritur, pasi nga sot nuk lejohet dalja jashtë zonës, pa leje që posaçme.
Që nga sot maskat duhet të përdoren kudo, është pezulluar çdo aktivitet social, festiv, mbledhje pune. Nuk funksionojnë gjykatat, hipotekat, njësitë administrative vetëm me takim elektronik, mbyllen dyqanet, parukeritë, qendrat e argëtimit, zonat arkeologjike, qendrat e argëtimit.
Me maskë të detyrueshme është bërë arsimi fillor e i mesëm, ndërsa mësimi on line është alternativa për universitetet./Bl.Ba/Fjala.al
