Nga përgjimet e publikuara në gazetën gjermane “Bild” në qershor të vitit 2019 rezultoi se deputeti i PS Damian Gjiknuri ishte shprehur me fjalët “do dërgoj çunat problematikë” gjatë zgjedhjeve në Dibër. Një çështje që e hetoi dhe prokuroria me dosjen 184. Por si i ka raportet sot me celularin Damian Gjiknuri? Gjatë emisionit HARD TALK NGA ROLAND QAFOKU Gjiknuri deklaroi:
-Si ka qenë marrëdhënia juaj me telefonin që pas daljes së përgjimeve?
-Unë nuk druhem me telefonin se nuk kam bërë ndonjë shkelje ligjore edhe me telefonatat që ju keni dëgjuar. Nëse fjala “tërmet” përbën alegori për vepër penale e pranoj, por është një nga fjalët më të përdorura në politikë, sidomos në terminologjinë anglo-saksone.
-Që Damian Gjiknuri të përdorë fjalën “çuna problematikë”…
-Po çfarë do të thotë “çuna problematikë”?
-Fjalor të fortësh.
-Nuk e ke përdorur ti ndonjëherë këtë shprehje?
-Jo, kurrë.
-Po atyrë që janë gjaknxehtë si iu thua? Unë kam thënë do çoj vëzhgues partie. Disa nga ata mund të jenë tipa më gjaknxehtë. Janë disa kategori njerëzish. A pati ndonjë dhunë nga këta “çunat problematikë?”
-Ju e shikoni si jurist në aspektin e pasojës.
-Po patjetër. Duhet të dalësh në zgjedhje, duhet të merresh me zgjedhje, duhet të jesh nën presionin e zgjedhjeve që të kuptosh pastaj se si është situata. Gjëja më e shëmtuar është përdorimi i Prokurorisë të Krimeve të rënda për vepra që nuk i takonin. Njerëzit në telefona çfarë nuk flasin./Fjala.al/Ke.Ba
