Greqia ka shënuar një rekord negativ nga Covid-19 ditën e enjte, ku gjatë 24 orëve të fundit janë konfirmuar pozitivë 882 persona, si dhe kanë humbur jetën 15 pacientë. Kjo ka bërë që kryeministri grek, Kyriakos Mitsotakis të marrë masa të reja për parandalimin e përhapjes së virusit të rrezikshëm.
Kështu, kreu i qeverisë greke tha është ndalohet lëvizja me makinë nga ora 00:30 deri në 05:00 të mëngjesit në zonat e cilësuara si “të kuqe” apo “të verdha”. Masa e re do të aplikohet duke filluar nga dita e shtunë.
“Së pari, në zonat ku ka një rritje të madhe të rasteve në nivelet 3 dhe 4, pra të konsideruara si “të verdha” apo “të kuqe” do të ketë një ndalim të lëvizjes me makinë nga ora 00:30 deri në 05:00. Sigurisht do të lejohen të lëvizin ata që shkojnë në punë apo kanë urgjenca. Vala e dytë ka ardhur, është e rrezikshme dhe prek të gjitha moshat “, tha Mitsotakis.
Gjithashtu, Mitsotakis njoftoi se maskat do të jenë të detyrueshme në ambiente të brendshme dhe në rrugë për çdo qytetar të Greqisë.
Kujtojmë se ditën e djeshme shteti helen shënoi 6 viktima dhe 865 raste të reja nga pandemia.
Pa.Va/Fjala.al
