Kryeqyteti është tronditur sot nga një ngjarje e rëndë që ndodhi mëngjesin e kësaj të diele dhe që ka lidhje me situatën e pandemisë Covid-19.
Në Spitalin Covid2 “Shefqet Ndroqi” shënohet viktima e tretë jo nga sëmundja për të cilën ata janë shtruar, por duke u hedhur nga lartësia.
52- vjeçari Preng Gjonaj nga Tropoja i ka dhënë fund jetës mëngjesin e sotëm rreth orës 03:10 minuta për arsye ende të panjohura plotësisht.
Ky është rasti i tretë që ndjek fatin tragjik të Hasan Mirës, 65 vjeç, i cili u hodh nga spitali “Shefqet Ndroqi”. Ai ishte shtruar në këtë spital në fund të muajit gusht dhe më 2 shtator ndërmori aktin e rëndë.
Ndërkohë, më 13 gusht një i ri në gjendje të rënduar psikologjike u hodh nga ky spital, ku fatkeqësisht ndërroi jetë. Xhino Koça, 29 vjeç ishte shtruar pasi ishte infektuar me koronavirus.
Sipas mjekëve, Covid-19 shkakton haluçinacione te pacientët për shkak të nivelit të ulet të oksigjenit në tru, çka mund të çojë në akte vetëvrasjeje.
Deri më tani nuk dihen rrethanat se si ka ndodhur ngjarja në fjalë, ndërkohë që policia po heton për rastin./Bl.Ba/Fjala.al
