Pritet që presidenti i ri i SHBA-ve, Joe Biden të ndërmarrë një hap historik, dhe për herë të parë të zgjedh një femër që do të jetë në krye të Pentagonit, duke thyer kështu një nga barrierat e rralla të mbetura për gratë në qeveri.
Mediat amerikane shkruajnë se zyrtarët amerikanë dhe figurat kyçe të fushës së sigurisë konsiderojnë që Michele Flournoy, veterane e Pentagonit, si zgjidhjen e duhur për këtë post.
59-vjeçarja Flournoy ka shërbyer shumë herë në Petangon, gjatë viteve 90 qëndrimet e saj do t’i siguronin përkrahjen nga të dyja palët për këtë post që kërkon miratimin edhe në Senat.
28 burra që kanë shërbyer si udhëheqës të Pentagonit që prej vitit 1947, kanë qenë veteran ushtarakë, por Flournoy nuk ka shërbyer në ushtri.
Kujtojmë se në korrik, Flournoy u shpreh se SHBA po humb përparësinë që kanë ndaj konkurrentëve si Kina, përsa i përket zhvillimit të teknologjisë. Sipas saj kjo duhet të jetë një prioritet për Pentagonin.
Flournoy gjithashtu është shprehur që trupat amerikanë të mos largohen nga Lindja e Mesme. Ka mbështetur kufizimin e rolit në Afganistan duke u fokusuar më shumë në luftën kundër terrorizmit./r,g/fjala.al
