Deputeti i Lëvizjes Demokratike Shqiptare, Halit Valteri thotë se Edi Rama dhe Lulzim Basha vazhdojnë të bashkëqeverisin.
I ftuar në studion e Report Tv, Valter tha se 99.9% e shqiptarëve nuk duan t’i shohin me sy kryeministrin Edi Rama, kryetarin e PD, Lulzim Basha dhe kryetaren e LSI, Monika Kryemadhi.
Valteri shton se Rama njihet si babai i korrupsionit, Basha djali i llastuar i korrupsionit dhe Kryemadhi si nona e korrupsionit.
“Po të pyesësh 100 shqiptarë, t’i marrësh rastësisht, 99.9 nuk duan t’i shohin me sy këta njerëz. Këta janë njerëzit që është perceptuar që në pamje të parë kur i shikon, është babai i korrupsionit, djali i llastuar i korrupsionit, dhe nona e korrupsionit. Po t’i shohësh të tre. Mjafton ti shohësh ku jetojnë dhe çfarë jete bëjnë.
Mjafton të shikosh lidhjen e biznesmenëve me ta dhe kupton se ku kanë shkuar paratë e shqiptarëve. Mendoj se këta akoma qeverisin bashkë. Merkatën që kanë hapur me njëri-tjetrin më jep këtë të jap atë, me figurat që po lëvizin në tregun politik shqiptar, tregon që këta nuk e kanë ndërprerë që nga 17 maji bashkëpunimin e deri më sot e në vijim”, u shpreh deputeti i LDSH, Halit Valteri.
Pa.Va/Fjala.al
