Aktori i njohur, Reshat Arbana ka reaguar pas vdekjes së regjisorit Muharrem Fejzo. Ai e ka cilësuar ndarjen nga jeta të regjisorit si një humbje të madhe për artin.
Në një prononcim për ‘News24’, Arbana tha se Muharrem Fejzo ishte një prej regjisorëve më të mirë shqiptarë si dhe ka qenë një prej miqve të tij më të mirë.
“Humbja e tij, lajm i trishtë për artin. U shkëput një gjerdan I kinemasë shqiptare. Me Muharremin kam luajtur me të tek ‘Fijet që Priten’. Ngushëllime familjes dhe të gjithë miqve të tij. Fejzo ishte një prej regjisoreve më të mirë shqiptarë. Ka qenë një prej miqve të mi më të mirë”, tha aktori Arbana.
Regjisori u nda nga jeta në moshën 87-vjeçare teksa ishte i shtruar në një spital në Itali pasi vuante nga një sëmundje, ndërkohë që mendohet se ishte prekur dhe nga Covid-19./r.g/Fjala.al
