Një politikan i quajtur Adolf Hitler është bërë viral në rrjetet sociale pasi ka fituar mandatin në zgjedhjet lokale që u zhvilluan në Namibi.
Politikani i quajtur Adolf Hitler Uunona nuk ka asgjë të përbashkët me adashin e tij gjerman. Ai është anëtar i Partisë ‘Swapo’ të Namibisë. Në zgjedhjet rajonale të këtij viti, Swapo fitoi 57% të votave dhe fitorja e Uunona mund të konsiderohet si një sukses.
Politikani, në një deklaratë për mediat vendase është shprehur se nuk ka asnjë lidhje me ideologjinë naziste për dominimin e botës.
“Emrin ma vendosi babai. Me shumë mundësi ai nuk e dinte se kush ishte Adolf Hitleri. Kur isha i vogël më dukej si emër normal, por kur arrita në adoleshencë e kuptova se çfarë i kishte bërë botës ky njeri”, u shpreh politikani.
Uunona fitoi 1196 vota në zgjedhje dhe arriti të fitojë një mandat në këshillin rajonal të qytetit të tij./r.g/Fjala.al
