Më shumë se një shekull gërmimi arkeologjik në manastirin e murgeshave në Nazaret, Izrael, do të kishte siguruar prova të sakta të shtëpisë ku Jezusi jetoi fëmijërinë e tij me Marian dhe Jozefin.
Studiuesi britanik Ken Dark, profesor në Universitetin Reading, ka botuar një libër ku përshkruan historinë e punës dhe zbulimin e provave që tregojnë për një shtëpi të gdhendur prej guri në një kodër shkëmbore, që me shumë gjasë i përkiste familjes së Jezu Krishtit. Dark, i cili ka një karrierë tridhjetëvjeçare mbi supe, filloi gërmimet në vitin 2004 dhe ishte në gjendje të krahasonte shtresa të ndryshme shkëmbi, duke gjetur njërën prej tyre që daton 21 shekuj më parë.
Që në shekullin e nëntëmbëdhjetë kjo zonë u tregua si shtëpia e Jezusit, Jozefit dhe Marisë, por disa arkeologë e hodhën poshtë idenë në vitet 1930.
Derisa projekti u rishikua, rreth pesëmbëdhjetë vjet më parë, studimet ishin duke u zhvilluar për një kishë të epokës bizantine. Pikërisht nën këto rrënoja, të cilat nga ana tjetër janë nën manastirin aktual, shtëpia në fjalë është identifikuar./fjala.al
