Një grup i të drejtave të njeriut ka pikasur të enjten në një rajon të dhunshëm të Meksikës një grup fëmijësh 5-vjeçar të cilëve u janë dhënë armë dhe po i trajnojnë.
Pamjet e fëmijëve të vegjël që mbanin pushkë në shtetin jugperëndimor të Guerrero-s ishin tronditja e fundit për një vend që është mësuar gjithnjë e më shumë me lajmet shqetësuese pas dy vitesh nivele rekord të dhunës.
E gjithë çështja ka nxitur një debat në Meksikë mbi përdorimin e fëmijëve në konfrontime të armatosura, me grupet e të drejtave të fëmijëve që thonë se kjo situatë kërcënon jo vetëm sigurinë e fëmijëve, por shëndetin e tyre mendor.
Presidenti Andrés Manuel López Obrador tha se për shkak se programet sociale po u japin më shumë të rinjve mundësi për të studiuar ose punuar, kartelet e drogës kanë probleme për të gjetur njerëz të armatosur, duke i bërë ata që të rekrutojnë fëmijë të mitur.
Fëmijët dukej se ishin në moshë nga rreth 5 deri në 15 vjeç, dhe ata mbanin armë gjahu dhe pushkë. Fëmijëve më të vegjël u ishin dhënë të mbanin shkopa në vend të armëve.
Në një qytet aty pranë, një bandë lokale e drogës kishte vrarë 10 burra dhe kishte djegur pjesën më të madhe të trupave të tyre, dhe organizatorët thanë se fëmijëve u duhej të mbronin fshatrat e tyre nga bandat e drogës.
Kreu i zyrës shtetërore të qytetit të Guerrero-s për të drejtat e njeriut dënoi me forcë organizuesit e kësaj nisme, duke thënë se ata po i ekspozonin fëmijët në rrezik.
“Ne e kundërshtojmë kategorikisht përfshirjen e të miturve në këto organizata që vënë në rrezik sigurinë e tyre fizike, jetën e tyre dhe zhvillimin e tyre,” tha ai në një deklaratë./Fjala.al/Burimi: DailyMail
