Klubi i Tiranës ka bërë afrimin e parë të kësaj merkato, duke i plotësuar në njëfarë mënyre një dëshirë trajnerit Emmanuel Egbo.
Bardheblutë e kryeqytetit bënë zyrtare sot afrimin te skuadra e tyre të mesfushorit nga Guinea, Lancinet Sibide.
Sibide ka qenë pjesë e skuadrës së Besëlidhjes dhe kaloi te Tirana në formë huazimi deri në përfundim të këtij sezoni. Futbollisti konsiderohet si lojtar shumë i rëndësishëm, pasi mund të mbulojë disa pozicione në fushë , madje edhe në mbrojtje, pjesë në të cilën bardheblutë kanë probleme. Mesfushori ka luajtur më parë edhe me ekipe të tjera të Superligës siç është Teuta apo Flamurtari.
Megjithatë, pritet që të skuadra e Tiranës të bëhen afrime të tjera dhe ekipi i Egbos të përforcohet akoma më shumë dhe të vazhdojë rrugën e fitoreve, ku edhe marrëveshja me mesfushorin e Skënderbeut, Bruno Ditën është drejt zyrtarizimit./Fjala.al/
