Procesi i vaksinimit kundër koronavirusit në Shqipëri pritej që të niste javën e fundit të muajit janar, por kryeministri Edi Rama njoftoi sot papritur afrimin e afateve; Vaksinimi nis nesër.
Dhe padyshim që ky është një lajm i mirë, pasi vaksina shihet si e vetmja mënyrë për t’i dhënë fund pandemisë.
Gjithsesi ka ende shumë të panjohura, pasi njoftimi i kryeministrit ishte “i thatë”, pasi nuk jepte detaje se më cilën vaksinë do nisë procesi, sa doza kanë ardhur dhe pytje të tjera si kjo.
Por ka disa detaje që tashmë janë të njohura për publikun.
Së pari, vaksinimi do të bëhen në stadiumin “Air Albania”. Në të gjithë stadiumin janë 60 bokse, aktualisht janë 20 gati. Për një orë qarkullojnë gati 60 individë, ndërsa do të punohet për 8-10 orë në ditë. Pas marrjes së dozës qytetari duhet të qëndrojë rreth 30 minuta më pas largohet.
Së dyti, ashtu si në të gjithë botën, vaksinimi do të nisë me mjekët, të cilët janë në vijën e parë të rrezikut me sëmundjen, më pas do t’u injektohet doza mësuesve, efektivëve të policisë në terren dhe moshave mbi 75-vjeç. Vaksina do të jetë falas por jo e detyrueshme
Së treti, dihet që Shqipëria, deri tani, ka siguruar 500 mijë doza të vaksinës antiCovid nga kompania Pfizer.
Mësohet se 10750 dozat e para të kësaj vaksine, sipas kontratës, do mbërrijnë në Shqipëri në fillim të javës së tretë të janarit. 30250 doza të tjera do vijnë në shkurt dhe të tjerat me radhë muaj pas muaj në bazë të planit të vaksinimit.
Aktualisht vendi ynë është në diskutime edhe me kompani të tjera.
Së katërti, është mësuar edhe se ku do të ruhet vaksina. Sipas Eugena Tominit janë siguruar për rreth 30 mijë doza frigoriferët mbi -70 gradë.
Pa.Va/Fjala.al
