“Largimi i Nasip Naços/Silva Caka: Të ikurit nga LSI janë bërë limonj të shtrydhur nga Edi Rama

Ish-deputetja e LSI-së Silva Caka deklaron se jo vetëm largimi i Nasip Naços por edhe të figurave të tjera nga LSI drejt PS janë bërë me të vetmin qëllim që Edi Rama ti përdorë si limonë të shtrydhur. Për gazetarin Roland Qafoku në “HARD TALK” në “FJALA ËEB TV” Caka tha se në këto momente Edi Ramës Naço dhe të tjerë i nevojiten për ti përdorur dhe jo për vlera politike. Sipas Cakës, këto largime jo vetëm që nuk e kanë dobësuar Lëvizjen Socialiste për Integrim, por e kanë forcuar dhe rritur numrin e votave. Gjatë emisionit “HARD TALK” Ish-deputetja Silva Caka ka komentuar edhe largimin e  bujshëm të ditëve të fundit nga LSI të Nasip Naços. Naço ka qenë një nga figurat kryesore të kësaj partie. Tre herë deputet e i zgjedhur, nënkryetar kuvendi, ministër i Ekonomisë dhe ministër i Drejtësisë, ai ka qenë pjesë e rëndësishme e vendimmarrjes së kësaj force politike. Por pak ditë më parë kryeministri Edi Rama publikoi një video në të cilën shfaqej duke biseduar me Nasip Naçon dhe që tregonte se ai ishte bërë pjesë e PS. Pak ditë më vonë Naço u shfaq në krah të deputetit te PS Blendi Klosi dhe që tregonte se do jetë kandidat i PS në qarkun e Beratit. Madje Naço tha se Shqipëria nuk kishte nevojë për eksperimente politike. Por i fortë ka qenë reagimi i ish-deputetes së LSI-së Silva Caka. Për Cakën largimi i Naços nuk ka të bëjë fare me moralin politik por me taktikën e Edi Ramës për të shtrydhur disa politikanë dhe për t’i përdorua ata si limonë të shtrydhur. Caka madje tha se se është skandaloze të mendosh se çfarë ka thënë të ikurit e fundit për të ikurit e parë./Fjala.al/Ke.Ba