Euractiv, media e fokusuar në politikën e Bashkimit Evropian, ka publikuar një artikull për minishengenin Ballkanik, të cilin e konsideron project në favor të Serbisë.
Georgi Gotev shkruan në Euractiv se, “diplomatët ende po pyesin se çfarë fshihet pas nismës së Shqipërisë, Maqedonisë së Veriut dhe Serbisë, të cilët tetorin e kaluar vendosën të avancojnë bashkëpunimin rajonal duke formuar një të ashtuquajtur “mini-Shengen” në Ballkanin Perëndimor.”
Në shkrim veçohen reagimet kundërshtuese të Kosovës për t’u bërë pjesë e nismës, hezitimi i Malit të Zi dhe dyshimet e Bullgarisë.
“Ajo që është e qartë është se nga mini-shengeni përfiton nga Serbia. Vendi i mbyllur me më pak se 7 milion njerëz (Jugosllavia ishte 23 milionë) duhet të projektojë veten në një kornizë më të madhe. Minishengeni ka potencialin për të përfshirë 12 milionë banorë. Shqipëria nuk ishte kurrë pjesë e Jugosllavisë, dhe akoma më mirë: siguron dalje në Adriatik, në vend të përfshirjes të Malit të Zi, Kroacisë dhe Sllovenisë. Dhe një bonus: (nisma) me të vërtetë e poshtëron Kosovën”, shkruan Euroactiv.
Gjukanoviç: “Shqipëria e Madhe”, ide e krijuar nga nacionalistët serbë
