Artan Manushaqe hedh akuza të forta edhe për faktin se sipas tij shoqëria civile në Shqipëri është e kapur nga pushteti. Manushaqe nuk bën dallime mes të djathëtve dhe të majtëve, por sipas tij është e rëndësishme të themi se shoqatat kanë synim marrjen dhe thithjen e fondeve, por jo realzimin e një projekti që të ketë ndikim.
-A jeni dakord me perceptimin se shoqëria civile është e ndarë sipas ndasive politike?
-Unë jam dakord me perceptimin që shoqëria civile është një fjalë shumë e madhe. Shoqeria civile është një bosht oponence ku në vendet e zhvilluara rrëzon qeverinë. Në Francë shoqëria civile sponsorizohet nga shteti për kritikën që ajo i bën. Kurse këtu te ne sulmohet, këtu te ne blihet, këtu te ne shkattërohet dhe çmontohet, goditet. Ja ku jam unë shembulli më i mirë i këtyre tetë viteve. Në unazën e re është ushtruar genocid. Unë më tepër qëndroj tek aktivizmi. Aktivizmi është më tepër efikas, sepse është më pak i lidhur me grupimet e shoqërisë civile, është më individual. Shoqëria civile është e kapur nga pushteti.
-Edhe kur ishte PD kështu thuhej.
-Jo, nuk ka qenë kështu.
-Pse si ka qenë?
-Sot është futur paraja shumë.
-Po në ç’kuptim është e kapur?
-Po të jap shembullin e AKIP-it unë ty. Aleanca për importin e mbetjeve që unë kam qenë një nga pjesëtarët e grupit aty. Shoqëria civile është e kapur sepse i mungon palca kurrizore./Fjala.al/Ke.Ba
