Ministria Ruse e Shëndetësisë, ka miratuar një vaksinë të tretë kundër Covid-19. Bëhet fjalë për ‘CoviVac’, e realizuar nga Qendra Shkencore Federale Chumakov për Kërkimin dhe Zhvillimin e Barnave Imunobiologjike në Shën Petersburg.
Kryeministri rus Mikhail Mishustin njoftoi lajmin, duke shpjeguar se “në mes të marsit, 120,000 dozat e para do të shpërndahen midis popullatës civile”.
Raportohet se vaksina ‘CoviVac’, duhet të merret në dy doza, me 14 ditë në mes. Ndërkohë, dy vaksinat e tjera ruse të miratuara më parë, janë ‘Sputnik V’ dhe ‘EpiVacCorona’.
Miratimet paraprake kishin ngritur shqetësime në mesin e disa shkencëtarëve në Perëndim, por dozat e para filluan në një shkallë masive në Rusi vetëm pasi përfunduan provat dhe treguan sukses.
‘Sputnik V’ u miratua në gusht dhe vlerësimet e fazave klinike filluan në shtator. Vaksinimi masiv filloi në dhjetor, pasi rezultatet paraprake të provës treguan se vaksina ishte 91.4% efektive.
Që atëherë, më shumë se dy milionë rusë janë vaksinuar me të paktën dozën e parë të ‘Sputnik V’, tha Ministri i Shëndetësisë’ Mikhail Murashko.
“Sot, Rusia është i vetmi vend që ka tashmë tre vaksina kundër COVID-19”, tha kryeministri Mishustin.