Lidhja Demokratike e Kosovës ditën e sotme ka mbajtur zgjedhjet për të zgjedhur kryetarin e ri të saj, pas dorëheqjes së Isa Mustafës.
Lumir Abdixhiku ka arritur të triumfojë përballë dy kandidatëve të tjerë, Lutfi Hazirit dhe Besian Mustafës.
Nga 328 delegatë të LDK-së, 190 kanë votuar për Abdixhikun, 116 vota ka marrë Haziri dhe 16 Mustafa, ndërkohë që 6 vota ishin të pavlefshme.
Tashmë LDK do të udhëhiqet nga Lumir Abdixhiku, që do të ketë detyrën e vështirë të rimëkëmbë partinë pas zgjedhjeve të 14 shkurtit, ku LDK doli forcë e tretë pas Vetëvendosjes dhe PDK-së.
