Moderatorja Eni Vasili pret të bëhet nënë. Fillimisht lajmin e bukur për gazetaren e dha gazeta “Panorama” që ka siguruar edhe fotot nga shtatzania e moderatores. Në fakt, ajo del në panelet televizive cdo natë, por ka arritur ta fshehë shtatzaninë e saj.
Duket se moderatorja nuk i ka shpëtuar aparatit të paparazzit. Newsbomb.al raporton se moderatorja ka dy binjake, dhe që të dyja vajza. Kështu, dhe pse është në vorbullën e fushatës zgjedhore, Eni Vasili veç debateve të ethshme politike, dhe shpeshherë edhe me të bërtitura e ulërima, pret të bëhet nënë shumë shpejt.
Vite më parë u fol për lidhjen e saj me Armandin, inxhinerin që la Londrën për tu njohur me moderatoren. Tashmë cifti kanë vendosur të bëhen edhe prindër dhe fatmirësisht, presin tashmë ardhjen e dy bebeve, vajza.
