Sipas studimeve shkencore, pesticidet mund të shkaktojnë probleme shëndetësore si defekte të lindjes, dëmtime nervore dhe kancer. Për këtë arsye, është e rëndësishme t’i lani frutat dhe perimet në mënyrë efektive para se të konsumohen.
Sipas studimeve, larja e frutave dhe perimeve me ujë të gazuar është një nga metodat më efektive të heqjes së pesticideve. Por ka disa mënyra më të thjeshta. Uthulla është një dezinfektues natyral. Përzieni pak uthull të bardhë ose molle me ujë, spërkasni frutat dhe fërkojini.
Lëngu i limonit gjithashtu funksionon shumë mirë. Në një enë ku keni vendosur frutat dhe perimet, shtoni një lugë gjelle kripë dhe lëngun e gjysmës së një limoni. Një tjetër mënyrë është soda e bukës me ujë. Spërkatni produktet dhe lëreni të veprojë për disa minuta para se t’i shpëlani.
