Të paktën 7 të burgosur janë vrarë gjatë një beteje midis bandave rivale në një burg në Guatemala.
Sipas policisë, ngjarja ndodhi në një burg në Quetzaltenango ku shumicës së të burgosurve të vrarë, iu prenë kokat.
Mësohet se përplasja është bërë mes anëtarëve të bandave Mara Salvatrucha dhe Barrio, ku u përfshinë 18 të burgosur.
Burimet e policisë thanë për mediat se një nga të burgosurit kishte urdhëruar sulmin ndaj anëtarëve të bandës rivale në shenjë hakmarrje për vrasjen e gruas së tij, e cila ishte qëlluar për vdekje nga dy burra me motor pak orë para përleshjes në burg.
Rreth 500 oficerë policie u vendosën për të marrë kontrollin e burgut, tha zëdhënësi i Policisë Kombëtare Jorge Aguilar.
Burgu u ndërtua për të strehuar 500 të burgosur, por ka më shumë se 2,000 të tillë.
