Teknologjia po krijon mundësinë që të monitorohet gjithçka dhe pothuajse kudo. Parisi ka 0,75 kamera sigurie për çdo kilometër katror, ndërsa në Nju-Jork ky numër është 0,5. Në Los Anxhelos 0,1. Përllogaritjet janë bërë nga Universiteti i Stanfordit dhe janë përmbledhur në një studim të prezantuar në Konferencën AAAI / ACM mbi Inteligjencën Artificiale, Etikën dhe Shoqërinë.
Miliona kamera të instaluara në të gjithë botën mund të luajnë një rol vendimtar në parandalimin e krimit, theksojnë autorët e studimit, por, veçanërisht kur kombinohen me teknologjitë e njohjes së fytyrës, ato gjithashtu mund të ulin ndjeshëm privatësinë e qytetarëve.
Hulumtimi përdori imazhe nga rruga e Google dhe platforma të tjera të ngjashme, të cilat u analizuan nga inteligjenca artificiale. Studiuesit nxorrën një shembull prej 100 000 imazhesh nga 10 qytete të SHBA dhe 6 nga pjesa tjetër e botës (Paris, Londër, Singapor, Seul, Tokio dhe Bangkok), duke identifikuar kështu dendësinë e kamerave. Më i ‘kontrolluari’ ishte Seuli, me 0.85 kamera për kilometër katror mesatarisht, i ndjekur nga Parisi.
MCN Tv
