Gazetari dhe komentatori sportiv, Kosta Grillo, është prekur nga Covid-19 dhe pasi u kurua në Tiranë prej ditësh, është nisur drejt Turqisë për të marrë trajtim më të specializuar.
Ditën e sotme gjendja e tij shëndetësore është përkeqësuar dhe u nis menjëherë në drejtim të Turqisë. Gazetari i njohur, i cili është edhe një prej menaxherëve më të vjetër të futbollistëve në vend, është infektuar me virusin prej ditësh dhe nga infektimi i janë prekur edhe mushkëritë.
Mësohet se Kosta Grillo nuk ishte infektuar më parë me virusin. Pas mbërritjes në Turqi, Grillo do të qëndrojë aty deri sa gjendja e tij shëndetësore të përmirësohet.
