Tërmeti tragjik i 26 nëntorit të vitit 2019 ishte me pasoja për çdo person që u ndodh në Shqipëri atë datë e mbi të gjitha për ata të zonave që u prekën më shumë përfshirë deri diku edhe qytetin Tiranës.
Mbrojtësi maqedonas i skuadrës së Kukësit, Tome Kitanovski vendosi të largohej nga Shqipëria dhe verilindorët pas asaj ngjarje. 27-vjeçari duket se u tmerrua dhe bëri një divorc me konsensus me skuadrën ku aktivizohej, duke u larguar nga kampionati i vendit tonë.
Megjithatë duket se tashmë Kitanovski ka gjetur një skuadër të re dhe kjo është bërë publike nga klubi i Makedonija përmes një postimi në faqen zyrtare, ku thuhet se ish mbrojtësi i Kukësit tashmë luan në kampionatin e Maqedonisë së Veriut.
Lojtari u bë pjesë e Kukësit verën e që lamës pas, por aventura e tij në Shqipëri ishte shumë e shkurtër dhe për këtë gjë shkak u bë tërmeti që tronditi rëndë vendin tonë./Fjala.al/
